لك الله ما ذرف دمع العيون إلا على شانك
صحيح الجرح من غيرك على قلبي تراه يهون
ياشين الجرح من خل عزيز صنته وخانك
أنا اللي كنت أحبك حب مثل الهايم المجنون
وأنا اللي كنت أغار أصلا عليك أكثر من أخوانك
وأنا اللي كنت أحسبنك حبيبي وسط هذا الكون
وأنا اللي كنت أشيل هموم قلبك وأبعد أحزانك
وأنا اللي كنت أشوفك فوق والعالم ولا يسوون
وأحب اللي تحبونه وأعادي كل عدوانك
وأنا اللي كنت أداري خاطرك وأدللك بالهون
ولا أصدق كلام إلا كلام ينطق لسانك
وأنا اللي كنت أشوف من البشر مليون لون ولون
ولا أفكر أحب إنسان لأن القلب مسكانك
وأنا اللي كنت أقول الشعر بك والناس ما يدرون
كتبت بدم شرياني ولا هو بدم شريانك
عطيتك حبي الصادق مشيت أعمى بدون عيون
عطيت إحساس شاعر يعزف أوتاره على ألحانك
أحسبنك معي صادق على وضح النقا ما تخون
على العهد القديم اللي معاي وبرت بإيمانك
وحسب إني حكمت إحساسك الكاذب وأثره ضنون
وذلحينه مسحت اسمك على رقمك وعنوانك
قصيدة عجبتني
للشاعر محمد جاثي القثامي
و نقلتها لكم
أتمنى تعجبكم