سلطة الفراخ على الطريقة التايلاندية
سلطة الفراخ على الطريقة التايلاندية
النهارده هنعمل سلطه الفراخعلى الطريقه التايلاندية؛ علشان تجددي من أطباق السلطة اللي بتقدّميها، وهي كمان تعتبر وجبة متكاملة، تعالي نشوف طريقتها إزاي..
المقادير:
أي بواقي فراخ مسلوقة ومقطّعة مكعبات
ثمرة فلفل أحمر مقطّعة شرائح رفيعة
عود بصل أخضر مقطّع قطع صغيرة
2 ملعقة صغيرة زيت سمسم
ملعقة صغيرة عصير ليمون
½ كوب فول أخضر
جزرة صغيرة مبشورة
ملح وفلفل أسود
ملعقة كبيرة صويا صوص (هتلاقيه في السوبر ماركت)
الطريقة:
1- اخلطي كل الخضار اللي عندك مع قطع الفراخ.
2- اخلطي الزيت مع الصويا صوص وعصير الليمون والملح والفلفل الأسود، وضيفي الخليط ده على خليط الخضار والفراخ وقلّبيهم مع بعض كويس..
وبالهنا والشفا.