[gdwl]
كان يا ماكان يا سعد يا كرام ولا يحلى الكلام الا بذكر النبى عليه الصلاة والسلام
كان فى بنوتة اسمها جوجو كانت خجولة وببتكسف هى شطورة بس خجولة
تقوم الصبح بدرى تغسل وشها واسنانها وتصلى الصبح و تفطر وتنزل على مدرستها هى شطورة بس خجولة
وبتحب صحباتها فى مدرستها وكمان الميس بتاعتها
بس عيبها الوحيد انها بتتكسف
والميس تسأل سؤال والاولاد يرفعوا اديهم انا ياميس ان يا ميس وهى ياعينى عارفة الاجابة ..ماهى شطورة بس خجولة
تيجى زعلانة وتقول لمامتها يا مامى انا نفسى الميس تحبنى وكمان اصحابى مامتها قالتلها
يا جوجو لازم تكونى شاطرة فى الكلاس وترفعى ايدك وتجاوبى قالتلها بتكسف
قالتلها لا لا الشاطر الواثق فى نفسه ميتكسفش ولما يكون عارف الاجابة لازم يرفع ايده
وكمان مامتها قالتلتها فكرة حلوة اوى بصى يا جوجو كل يوم تيجى من المدرسة لازم تسألى نفسك سؤال
النهاردة وايه مش حلو وفعلا كل يوم تسأل نفسها السؤال ده ودا كان بيحفزها ويشجعها على انها تكون احسن من اليوم اللى قبله
مرة على مرة حالها اتغير بقت ترفع ايدها وتجاوب بصوت عالى
اصحابها استغربو مالها جوجو؟ مالها جوجو؟ اتغيرت وبقى صوتها عالى وبنسمعه كلنا
والميس فرحت بيها اوى وكمان اصحابهاومن يومها وجوجو اشطر واحدة فى الكلاس ماهى شطورة ومبقتش خجولة
وجت باست ايد ماما وقالتلها ربنا يخليكى لية يارب
وتوتة توتةخلصت الحدوتة حلوة والا ملتوتة
[/gdwl]
