طريقةعمل كيكة موكا الباردة

المقادير:
4 كاسات مية – 5ملاعق كبيرة كاكاو – 2 ظرف كريم كراميل -كاسة سكر – كاسة حليب بودرة – 3 ملاعق نشا – قشطة ( أنا عملت قشطة بالبيت ) و بعدين إخلطيهم منيح و ضلي صفيهم بمصفاة الشاي و صفي الرواسب أو بتحطيهم ع الخلاط و بعدين ع النار واطية شوي و ضلي حركي حركي لحد ما يتقل إزا غلى و ما تقل حطي ( ملعقة نشا مدوبة في شوية مية ) و بعدين حطيها بقالب سيليكون أو طنجرة صغيرة ظرف نايلون مشان يساعدك لما تقلب .. و بعدين إسكبي الخليط و حطي طبقتين من بسكويت الشاي السادة ( بتحتاجي أقل من ظرف ) … و حطيها بالفريزر شي نص ساعة و بعدين نزليها ع التلاجة شي 4 ساعات لحتى يبرد و يجمد