تصدق ليلة البارح أنا مدري وش اللي صار … ترى مافي يدي حيلة جنوني ما توقعته
أنا جيت أعترف واسمع قبل ما توصلك الأخبار … خبر عاجل : خطا مني ترى قلبك أنا خنته !!
حبيبي لا تلبسني من أثواب الندم والعار … أنا أكثر منك أتألم بقلب انت أهملته
تذكرتك وأنا بحضنه حقيقة كان صعب أختار … لأكثر من سبب خنتك حبيبي إيه أنا اخترته
وطن كانت لي عيونه لقيت لدمعتيني دار … عرفت أرتاح من بعد العذاب اللي معك شفته
تراك إنت السبب في اللي حصل في لعبة الأدوار … لعبت الدور بالهجران ودوري غصب أنا عشته
أنا خنتك نعم خنتك حبيبي خلها تذكار … تذكر حبنا الطاهر خذلت إحساسك وبعته
حسبت إني إذا خنتك وصلت لآخر المشوار … ورحت أعيد غلطاتي بدرس ما تعلمته
تذكرت إن قلبك لا ابتعد عني أحس بنااار … وما يقدر ينام الليل إذا في يوم زعلته
وحلم كبير في عيني أنا أدري صحيح انهار … ولكن يبقى في عيني كبير لا تذكرته
وشخص يخطي في حقي ولو جاني بدون أعذار … أسامح وأعتذر منه غلاه بقلبي أسرفته
حبيبي لا تواخذني على غدر الزمن لو جار … أنا أكبر من اللي فيك يا عمري تخيلته
أغمض عيني وأتخيل تمر فخاطري أفكار … والاقي نفسي افحضنك على كثر الذي قلته
أنا يومك مع قلبي حفظته لك حفظ أسرار … تظن أقدر أنا أخونك بعد ما قلبي ودعته؟
أنا جيت أعترف كلي بخياناتي وكل شي صار … تخيل كل ما أخونك أخونك بس معاك انته !!
منقووووول