والله لو للصدق ديرة أنا أول من عنيت
ياقصيد الحب قله غير قيده ماأسرني
غير وصله غير قلبه مارجيت وماهويت
قله طيفه في غيابه بعاطر انفاسه يمرني
مارحمني من عذابي ماعتقني ماهتنيت
إشتكيته لليالي والحنان إللي قصرني
عاشقه والعشق بلوى ليتني به مابتليت
آه لو يدري زماني عن حنيني ماقهرني
قله إني فيه آراهن بالمشاعر مابقيت
لو هديته كل عمري والخفوق اللي كسرني
ماوفيته بعض قدره لو عطيته ماعطيت
كامل والكامل الله بأجمل خصاله سحرني
مثل قلبه مثل عطفه لاسمعت ولا رأيت
بحفظ بقلبي هيامي للوليف إللي غمرني
للهوى أسمى صفات وللوفا عز وصيت
لأنه أغلى من عيوني والوحيد إللي قدرني
إمتلك حبه شعوري والغلا له ماحييت
سيدي لولا الملامه والزمان إللي جبرني
كان ماتغفي عيوني لين ماأشوفك غفيت
إنت نبض القلب عندي والوريد إللي سترني
وش بقيت آمر تدلل قول واطلب ماشتهيت
لاتظنه ضعف مني لكن إحساسي أمرني
أن زعلت أرضيك وأطوي كل همي لارضيت
ودي اجمع لك شتاتي بعدما حظي نثرني
لو يقاسمني فؤادك نصف حبي ماشقيت
ولو خفوقك صار ينبض نفس نبضاتي عذرني
كان ترحمني وتعطي قدر ماروحي خذيت
ياضمير الحب قله كان قلبه مانصرني
مات كل إحساس عندي وانتهى الأمر وقضيت
منقووول
اختكم دومااا
((اتحاديه كوووول))