ارحب بكم بين اطباق سعاد و اليوم موضوعنا هو
اقماع البسكويت بالتمر ؟؟من بنات افكاري
السلام عليكم ورحمة الله وبركاته
قرب رمضان شهر الخير ..
واحيانا ودي اسميه شهر الطبخ مانمخمخ على الطبخات الزينه الا فيه ..
الله لا يشغلنا الا بطاعته …
مالكم بالطويله …
اكيد محتاجين حلويات سهله وبسيطه وبالتأكيد طعمها حلو ..
وغير كذا نبي نفيد اجسامنا والتمر غني عن التعريف بفوائده الكثيره ..
نبدى بوصفتنا احسن ..
.
.
.
المقادير :
عشان اكون صريحه انا سويتها خبط لزق يعني مقادير من راسي بس بحاول اعطيكم مقادير تقريبيه
2 كاس تمر معجون
نصف بياله ماء
ثلاث ارباع كاس توفي (سويه بالطريقه اللي تحبين)
3 ملاعق بسكويت مطحون
نصف كاس جوز هند مبشور
بسكويت اقماع الايسكريم الحجم الصغير
وهذي صورته
نضع نصف كمية التمر (يعني كاس واحد ) مع الماء ونتركه على النار حتى يذوب ثم نضيف له نصف كاس من التوفي ونقلبه حتى يتكون لنا سائل ثقيل ونرفعه من النار ونضيف له البسكويت المطحون ونحرك الجميع معا
نجهز البسكويت وانا استخدمت نوع واحد بس
نضع الخليط في كيس التزيين الخاص بالكريما ونحشي البسكويت بالخليط
نحمص جوز الهند على النار حتى يشقر
نشكل المتبقي من التمر بشكل كرات صغيره (بحجم فوهة البسكويت تقريبا )
نغطي كرات التمر بجوز الهند المحمص
نسد فتحة كل قمع بكره من التمر
يرش صحن التقديم بباقي جوز الهند المحمص وتصف الاقماع بشكل عمودي (يعني واقفات ) ونرشها بالمتبقي من التوفي (ربع كاس )
وهذا شكلها النهائي
وهذا من قريب
اتمنى تعجبكم وتسوونها برمضان تدعولي
منقول
اقماع البسكويت بالتمر ؟؟من بنات افكاري
بالهنا و العافية عليكم و على حبايبكم
اختكم سعاد