ياخاين العشره
ياخاين العشره ترى الوضع عادي
لن جيتني عادي ولن رحت ودي
لا تحتري مني رسول ومنادي
درب الخيانة للندامة يودي
لا تحسبني عقب فرقاك غادي
منته بنجم في حياتي مقدي
الركب ركبي وأيضا الماد مادي
والحظ مابيح على الخلق سدي
من وين ماوجهت لاقي مرادي
من فضل ربي ثم من طيب جدي
ومن طيب راسي للمروات بادي
وان جار وقتي ماوطى الدمع خدي
الدمع من دونه سطانا يفادي
وكفونا لا شحوا الناس تدي
لوكان من شربي وملحي وزادي
اهم شي اني على النقص مبدي
وإلا انت خنت مسكنك بالفؤادي
اللي لعينك كم يجيب ويودي
واليوم ماتسوى بعينه رمادي
قلبه حنون ولاكن ان صد صدي
اخذ الكلام اللي عليه الوكادي
السود عندك واما انا البيض عندي
لو ترجع وحزنك سوات المهادي
مانيب قدك لا وانته بقدي
وسلامتكم
محمد الاكلبي]