لا تحاتي قلبي متعود يشيل الجروح اللي تجي له مقبله !

[ لا تخاف..! ]
تخاف القلب لا أظلم " غلاه " يموت بأنوارك ؟
أبد لا تخاف متعود .. على ( طعنات أحبابي )..
تجيني ؟
ويعني وبعدين ؟!
شسوي يعني لأعذارك !
تصوبني وترضي كل غرورك من ورى صوابي …!!
مو مية نار تحرقني ..
بقت بس هي على نارك ؟!
أبشرك
ما بقى [ أي شي ] .. تحرقه ..
كفو .. " أصحابي " !!

[ آآه منك يالحزن..! ]
الحزن منا وفينا..
ومن يدينا الحزن
ياخذنا نتسول في عيون الأخرين
كل صدر طارقينه..مالقينا..
غير هم حاضنينه
الف صدر فيه دين
والف صدر فيه نار..
أول الدينار دين/ واخر الدينار نار..

[ ولا صار..!! ]
غديت مثل [ العود ] مشراه " غالي " ..
وغلاه لجله يحرقونه على النار ..!
تشوف ( دخانه ) يجي له ظلالي
ويروح كنه ماتكون ..
ولا صار .!!

[ ما زرعتك ]
للعواذل لجل يجنيك الغياب
…… ما ذخرتك للنوايب لجل تطعني بيدي
كنت أظنك لجلي مينا في زمان الإغتراب
….. وأثرك اللي ما تبينا ضايع فيك جهدي .!

[ يا كذبها..! ]
يا كذبها قولت : " ترى الناس للناس "
والسالفه ما عاد تحتاج تفكير !
اما تصير بموقف يرفع .. الراس
ولا عساها ما تحقق ولا تصير ..
قد لي ثلاث ايام حاير ومنحاس
الحال ما به ( خير ) واقول انا بخير !
من زود همي ما جذب عيني انعاس
كن السهر ( حاتم ) وجفني [ مسايير ] !!

[ ورده غ لا ]
خذني … تعبت من الوله … و البرد هداني ..
لمني أبدفا من صقيع الليل باحضانك
جيتك عطش منهك ذبل من نضرة أغصاني ..
جيتك إثم ( وردة غلا ) تستغفر أغصانك

[ ما انساك ]
عل وعسى أبقى على البال وياك
لا دارت الدنيا .. وإذا [ الموت ] جاني
صدقني لولا الموت ؟
والله منساك!
غير " الله " منك ؟
إطمئن ما خذاني!
من وين أطالع صرت ( أشوفك ) وألقاك
يا أغلى " بشر " عندي ولا فيه ثاني
إخذ الحكي مني حقيقه الذي جاك
بعيش لك ..
كان الله عمر عطاني…