فيني و لا تسهر عيونك ثواني
قلبي على دربك يسوق القدم سوق
و يحداه لمصافحك شوق و حناني
من محجر عيوني غداء النوم مسروق
يومي نويت النوم طيفك دعاني
ادري مقصر يا حياتي لك حقوق
معذور لو قلتي ما شفته و جاني
يشهد علي من ميزالناس بفروق
غصبن علي يا بنت ماني باناني
و حلفت لك بمنزل الغيث من فوق
انتي حياة الروح وانتي كياني
مبغى زعلكم يا هل الحسن و الذوق
و في خاطرك لا تقول طلال نساني
يغيب قلبي عن حياته ثم يفوق
و يشكي على ضلوعه بوقتي عصاني
ونوبن وسيع الكون في عينه يضوق
رغم ان قلبه بالحياة متفاني
وبانت على خدي مسارات و طروق
من دمعي الي من عيوني جفاني
خلاص ابترك ثوب الافراح مشقوق
و اترك طريقن من حياتي يعاني
داخل حنايا الجوف يحرقني الشوق
من بعدكم يا زين شوقي كواني
الحب ماهو سلعة داخل السوق
يبيعه المخلوق مثل الاواني
الحب حس و نشوة داخل عروق
عجزوا له العالم بوضع المعاني
كم هم ضحايا الحب عاشق و معشوق؟
و كم ترجم العشاق لحنه اغاني
احدن بحبه طفل طايش و مطفوق
ما ينتشي لو صاح صوت الكماني
و احدن ضحك و بعبرته دوم مخنوق
من صرخته يهتز صمت المباني
و احدن يصور عزف الاوتار و يتوق
يلقى به المجروح حكي اللساني
يطرب له الخافق على العزف و يروق
و يصوره قصه لسيد الغواني
يرجي بها من بعد هالعتمه شروق
يمكن يداوي جرح عودن لياني
انام و اصحى و غير حبك وش نذوق؟
و اجمع شتات الجرح وسط المحاني
ياليت عندي قطعة الشال و الطوق
واشم عطره كود يحيا مكاني
صار الامل من جاير الوقت مفتوق
اطالعه فرحه و لكن بكاني
اخايله غيثن على بعده بروق
جالس و اطالع نوض برق غشاني
حلفت لك منت بعلى القلب مسبوق
ملكت قلبن منه الجسم فاني
ودايم و راع الحب يا ناس محقوق
لو يخلص بحبه حكوا عنه خاني
مما راق لي